2020-01-27   1133     
كۆمپانیای تۆیۆتا مۆتۆر، پەردەی لەسەر نوێترین رۆبۆت-ی خۆی لادا، كە لە شێوەی مرۆڤدایە و لە داهاتودا بە مەبەستی ئەنجامدانی نەشتەرگەری بەكاردەهێنرێت.
تۆیۆتا رایگەیاندوە، رۆبۆتە نوێیەكە وەشانێكی پەرەسەندوی رۆبۆت-ی تی ئێچ ئاڕ-3ە، كە دروستكراوە تا لە داهاتویەكی نزیكدا پزیشكان بۆ نەشتەرگەرییە دورمەوداكان بەكاریبهێنن.
ئەو رۆبۆتە، لە لایەن ئەو پزیشكەی نەشتەرگەریەكە ئەنجامدەدات كۆنترۆڵدەكرێت، پزیشكەكە هێدفۆنێك و ئامێری پەیوەندی باسك و دەستەكانی بەكاردەهینێت، كە لەم وەشانە نوێیەیدا جوڵەی دەست و پەنجەكانی خێراترە و بەكارهێنانی ئاسانترە.
بەگوێرەی زانیارییەكان، بەكارهێنەرانی ئەو رۆبۆتە نوێیە لەكاتی بەركارهێنانیدا هەستدەكەن خۆیان ئەنجامدەری نەشتەرگەرییەكەن و بە دەستەكانی خۆیان ئەنجامیدەدەن.
لەكاتی تاقیكردنەوەی رۆبۆتەكەدا، بە ئاستێكی بەرز توانیویەتی هەمان رەفتارەكانی ئەو بەكارهێنەرە ئەنجامبداتەوە كە بەكاریدەهێنێت و جوڵەكانی زۆر سروشتی بوە.
وەرگیراوە لە ماڵپەری خەندان